PROLOGUE

Aaliyah Eunice

(Present) 

     "Bes, anong resulta, positive ba?" Tanong ni Trisha habang nakatingin sa ’kin, nanginginig na inilahad ko sa kanya ang pregnancy test, mabilis naman niyang kinuha sa kamay ko ang PT at tinignan iyon. Napasinghap ito ng makita ang resulta.

    "Oh my god!" Kitang kita ko ang takot sa mga mata ng bestfriend ko. Napapikit na lamang ako at napahawak sa aking mukha. Hindi ko inaasahan na mabubuntis ako, paano ko sasabihin kay Travis 'to?

   "Trish, anong gagawin ko? Natatakot akong sabihin sa kuya mo ang pag bubuntis ko, baka hindi niya ako paniwalaan! Alam mo naman ang sitwasyon namin ‘di ba? Alam mong pinakasalan lang ako ng kuya mo para sa kompanya n’ya. At hindi naman ako ang tunay niyang mahal. Wala lang ako sa kuya mo. kaya paano 'to?." Hindi ko maiwasan na hindi ma-iyak, naramdaman ko naman ang pag-yakap niya sa akin. 

   "Shhhh..stop crying Bes, mag-iisip tayo ng paraan ok? Magiging ok din ang lahat." Pang-aalo niya sa akin. Tumigil naman ako sa pag-iyak. Unti-unti akong lumayo sa yakap niya at nag-angat ng tingin. 

   "May naisip kana ‘ba kung paano? kase ako wala, sobra ang kalasingan ni Travis ng gabing 'yon at sigurado akong wala siyang na-aalala na ako ang kasiping n’ya..dahil..." Muling nag-tuluan ang mga luha ko, naalala ko na naman ang nang-yari ng gabing 'yon.

  "...D-Dahil...dahil habang mag-kasiping kami ibang pangalan ang binabanggit n’ya. Si Mikaela Mayell pa rin Trish, si Mayell pa’ rin talaga ang mahal niya." 

  "What!? si Mayell ang binabanggit n’ya!? Napaka g*go talaga ni kuya! God! Baliw na baliw siya sa babaeng iniwan siya at pinili ang iba?! Sumusobra na talaga ang lalaking 'yan!" Galit na sambit niya. 

  Kalaunan ay tumigil ito saglit mukhang may ini-isip. Makalipas ang ilang minuto ay nag-salita siyang muli.

    "May naisip na ako Bes, alam kong mahal mo si kuya pero sa ginagawa niya sa 'yo, sa pag-trato niya sa ’yo na hindi na maka-tao mas makakabuti na iwan mo na siya. Mas maganda lumayo kana lang Bes, Akong bahala sa lahat tutulungan kita. Ilang buwan nalang naman tapos na ang kontrata n’yo ni kuya ‘di ba? Talk to him and say that you will set him free. Pero— `wag mong sasabihin na buntis ka. Hindi niya deserve malaman 'yon. Hayaan mo siyang mag-mukhang t*nga bilang kabayaran sa lahat ng ginawa niya sa `yo. I'm here, akong bahala sa pamangkin ko. H'wag mong ikulong ang sarili mo sa kagaya ni kuya, ‘Di ba gusto mong maging fashion designer? Ituloy mo 'yon kapag nanganak kana. Nandito ako para suportahan ka..

   “End this b*llsh*t relationship, Ikaw lang naman ang nag-mamahal sa inyong dalawa. Tigilan mo na ang pagiging martir mo. Basta ikaw ginawa mo ang lahat para isalba ang relasyong niyong dalawa ni Kuya. Hindi ka nag-kulang, nagkataon lang na arrange marriage kayo at may ibang mahal ang g*go kong kapatid. Think bes, hindi ka na pwede mag-stay dito na ganyan ang kalagayan mo.”

   Napatigil at napa-isip ako sa mga sinabi ni Trish, Tama lahat ng sinabi niya. Tutal pagod na pagod na din ako sa mga ginagawa sa ’kin ni Travis, ‘yung sarili at magiging baby ko naman ang isipin ko ngayon. Oras na nga sigurong lumayo ako at iwan siya. Hindi na ako pwede mag-tagal sa bahay na ito na ganito pa rin ang pakikitungo niya sa akin. Baka may mang-yari pa sa anak ko. 

   Hindi din naman niya paniniwalaan na may anak kami. Ayoko ipilit ang sarili ko sa taong hindi naman talaga ako mahal mula sa umpisa palang. Tama na ang pagiging martir ko. Ginawa ko naman ang lahat para sa relasyon namin kaso hindi ko talaga kayang higitan si Mayell sa puso ng asawa ko.

    Mariin akong pumikit.. Papalayain na kita Travis, hahayaan na kitang habulin ng habulin si Mayell. Pinunasan ko ang luha ko at tinignan si Trish, tipid akong ngumiti sa kanya bago nagsalita.

   "Tama ka Trish, oras na sigurong pakawalan ko si Travis, Nakapag-desisyon na ako. Kakausapin ko siya at aalis na ako sa bahay na ’to." Isang malungkot na ngiti ang pumaskil sa labi niya bago hawakan ang kamay ko at nagsalita.

   "Kahit nakakalungkot na aalis kana dito sa bahay, ok lang kesa ikulong mo ang sarili mo sa katulad ni kuya, tutulungan kita Bes, akong bahala sa lahat." Ngumiti ako bago niyakap ang kaibigan ko.

  "Thank you Trish. Thank you..."

  Nag-papasalamat pa rin ako na may kaibigan akong katulad ni Trisha. Handa akong tulungan sa lahat.. 

*********

Chapter One

 Aaliyah Eunice's pov

  "Aah! Ang sarap talaga ng pineapple juice na gawa ni Manang!" Masaya kong sambit habang binababa ang baso na ininuman ko. Sana dinamihan ni manang ang ginawa niyang juice, para na-iakyat ko sa taas mamaya para may naiinom ako habang nag-iisip ng mga design na gagawin ko.

  Kinuha ko ang basong pinag-inuman at nilagay sa lababo para hugasan. Nakasanayan ko na ang ganitong routine, hindi ko na inaasa sa mga katulong namin ang kakaunting hugasin, bait ko 'no? Wala 'e, Si manang kasi pinalaki akong marunong sa lahat ng gawaing bahay. Dapat kahit mayaman kami, may alam pa rin ako sa mga gawain, kasi babae raw ako. Maganda raw kasi sa isang babae ang may alam sa mga ganitong klaseng bagay. Lalo na kapag nag-asawa para maasikaso ko raw ang magiging asawa ko.

  So, balang araw, ang mahal kong si Travis ang lulutuan ko ng mga paborito niyang pagkain, Dahil siya ang magiging asawa ko! Tapos ako ang maghuhugas ng mga pinagkainan namin habang siya tinutulungan ako. Magiging mabuting may bahay talaga ako pag naging asawa ko si Travis. Pangako `yan! Pero charr lang! Asa naman ako na pansinin ako ng suplado na `yun. 

   "My God! Eunice, ayan ka na naman sa imahinasyon mong imposibleng mangyari. Kahit mahal ko 'yong lalaking 'yun, walang pakialam sa mundong ibabaw 'yon dahil ang mahalaga lang doon, ang kompanya nila. Hanggang pangarap ka na lang ako. Ays! Nabubuang na naman ako. Kinakausap ko na naman ang sarili ko! Tsk!"

  Matapos kong mahugasan ang ginamit kong baso at iba pa ay nagpunas na ako ng kamay. Babalik na ako sa aking kwarto at itutuloy ang ginagawa ko.

   I just came out of the kitchen when I heard a shout, it was coming from outside. My forehead furrowed because the voice sounded familiar.

   "Kuya! Come on! She doesn't know anything about it, okay? Don't—Kuya!"

   "Kuyaaa!"

  Hala! Boses ba 'yun ni Trish? Nagmadali akong pumunta sa pinto para tingnan kung ano ang nangyayari sa labas. Pag bukas ko ng pinto, hindi ko inaasahan ang bubungad sa 'kin. Isang hingal na hingal na si Kaden Travis Dela Cerna lang naman. Ang lalaking kanina ay iniisip ko lang. 

  "Oh God! Kuya! Let's go home, please. H'wag mong galitin lalo sila Daddy!" Nabaling ang tingin ko sa bestfriend kong ngayon ay nasa likod ng kuya niya, hingal na hingal din ito.

 Okay? What's going on here?

  "Shut up, Trisha." Para naman akong natulos na kandila sa kinatatayuan ko dahil sa nakakatakot na boses ni Travis. Sabayan pa ng titig na ginagawad nito sa 'kin ngayon. Gosh, ano bang nangyayari? Bakit sila nandito sa harap ng bahay namin? Kahit kinakabahan ay naglakas loob akong magtanong.

   "U-uhmm.. ano bang meron? Bakit nagsisigawan kayo? At bakit nandito kayo sa harap ng bahay namin?"

   "A-Ah kase ano bes, kas—" Hindi natapos ni Trish ang sinasabi dahil nagsalita ang kuya niya.

  "Come with me, Aaliyah." Ha? Ano daw?

  "Ha? Saan tayo pupunta t—" Napamaang ako nang hawakan niya ang aking kamay at hinila palabas. Sh*t, ano ba talagang nangyayari? Lumingon ako sa likod kung saan nakatayo ang bestfriend ko. Kitang kita ko ang pangamba sa mga mata niya at takot. Umiling-iling pa ito bago sinarado ang pinto ng bahay tapos sumunod sa'min. Anong ibig sabihin no'n?

    Aaah! Ano ba talagang meron!? Malalaking hakbang ang ginawa ni Travis habang hila hila ako. Jeez! para na akong tumatakbo sa ginagawa niya.

   Ang hahaba ng biyas niya at ako maliit lang, kamusta naman? Just one step of Travis equals, two steps to me. My god!

   Nang makapasok kami sa bakuran nila, naramdaman kong mas lalong humigpit ang hawak niya sa kamay ko. Anong gagawin ko dito sa bahay nila? Bakit niya ako dinala dito? Sumulyap ako sa likuran namin, nakasunod na si Trish pero napansin kong parang naiiyak ito. 

   Mag kapitbahay lang kami ng bestfriend ko, at hindi ko alam kung bakit hinila ako ng kuya niya dito. Mukhang hindi maganda ang mang-yayari. Dumiretso kami sa garden nila, at doon nakita ko si Tito Troy at si Tita Kim na parehas gulat ang ekspresyon ng mga mukha ng makita akong hila-hila ng kanilang anak. 

  Tumigil kami sa harap ng magulang niya. Napasinghap ako nang itulak niya ako papunta sa harap. Jeez! Ang bastos niya sa part na 'yon!

   “Is she the one you're saying I'm going to marry, Dad ha? This girl?!"

   My eyes widened at what I heard. I turned my gaze to him. Anong pakakasalan? Anong pinag-sasabi ng lalaking ito? Ano bang nangyayari talaga dito?

  "Son, calm down okay? P'wede natin 'tong pag-usapan ng mahinahon. Don't be rude, anak.” Mahinahong sabi ni Tita, Sabay baling niya sa akin at ngumiti.  “Eunice hija, halika dito maupo ka." Mahinahong tawag nito sa akin. Kahit nawiwindang ako sa sinabi ni Travis ay tumango pa rin ako kay Tita Kim at naupo sa katapat nilang upuan. Sumunod din sa 'kin si Trish na kanina pa pala nasa likod ko.

  "How can I calm down, Mom? Daddy, didn't let me into the office just because of this useless thing? Ayan! Dinala ko na si Aaliyah Eunice dito para malaman niya ang pinag-uusapan natin, kung aware ba siya na gusto niyo ako ipakasal sa kanya, sa babaeng hindi ko naman mahal!"

   Napakagat ako ng ibabang labi dahil sa sinabi niya. Para akong sinaksak ng tatlong beses sa aking puso dahil sa masakit niyang sinabi. Hindi ko man naiintindihan ang ibang nang-yayari pero sigurado ako sa huling narinig ko. Bakit sobrang sakit? Bakit ang sakit marinig sa taong mahal mo ang salitang 'yon? Yes, mahal ko si Travis mula noong mga bata pa kami hanggang ngayon, lihim ko siyang minamahal.

   Sabagay, ano pa bang aasahan mo sa kanya, Eunice? Feeling mo mamahalin ka niya? Masyado kang feelingera at ambisyosa. 

  Pero kahit papaano, kahit katiting umasa ako na baka mapansin niya ako kasi dati naman ng mga bata kami pinapansin pa niya ako, pero nung nagsimula siya mag college hanggang siya na ang humawak ng kompanya nila, naging dedma na. Seryoso na siya simula no'n.

  Sakit umasa, sobrang sakit.

  "Why, Kaden Travis? Kanino mo gusto makasal? Sa babaeng kinababaliwan mo ngayon? Sa babaeng modelo na si Mikaela Mayell?" Kitang kita namin kung paano nanlaki ang mga mata ni Travis dahil sa sinabi ni tito.

  May kinakabaliwan si Travis? Mikaela Mayell? Modelo? Sino b--oh gosh, h'wag niyang sabihin na ang kinababaliwan niyang babae ay si Mikaela Mayell Pielago? Ang sikat na modelo dito sa Pinas!

  "Tss! Anong pinakain sa 'yo ng babaeng 'yon para mabaliw ka ng ganyan sa kanya? Hindi ka nararapat sa babaeng 'yon, Travis!" Biglang nag dilim ang awra ni Travis dahil sa sinabi ni tito. Kitang kita na hindi niya nagustuhan ang sinabi ng daddy niya.

  "At kanino ako nararapat dad!? Sa babaeng 'yan na kaibigan ni Trisha!? Ipapakasal mo ako sa taong hindi ko gusto? Hindi ko mahal!?"

  Ouch! kailangan paulit-ulit Travis? Alam ko nang hindi mo ako mahal, h'wag mo naman ipaulit ulit dahil ang sakit! Napayuko na lamang ako. Lahat ng ini-imagine ko kanina ay naglaho nalang bigla. Masakit talaga umasa. Pero mas masakit na ipa-mukha sa `yo ng taong mahal mo na hindi ka niya mahal. 

  "Oo! Magpapakasal kayo ni Eunice! Alalahanin mo Travis, mainit ang mata sa 'yo ng ibang board directors dahil bata ka pa! At pinag-usapan na namin 'to ni Ariel! Pag kayong dalawa ang kinasal, hindi na haharangin pa ng board directors ang pagiging CEO mo! Naiintindihan mo naman ang ibig kong sabihin 'di ba? Kaya mamili ka! Magpapakasal ka kay Eunice o mawawala sa 'yo ang lahat!?"

  Ano 'to? Bakit hindi ko 'to alam? Ipapakasal nila kami para sa kompanya nila? At alam 'to ni daddy? 'Yung sakit na nararamdaman ko kanina mas dumoble. Feeling ko para akong laruan na p'wedeng pwede ipamigay. Wala akong kaalam alam na may ganito na pala. Si mommy at daddy..Why? Bakit hindi nila sinabi sa akin ang tungkol sa bagay na ito? 

  "Uuwi bukas ang Tito Ariel at Tita Erin mo, pag-uusapan na ang kasal niyo ni Eunice." Muling sabi ni tito sa seryoso at final na boses. 

  "No! Hindi ako magpapakasal! Gagawa ako ng paraan para sa kompanya! Hindi ko sasaktan si Mayell! Siya ang mahal ko at siya lang ang babaeng pakakasalan ko!" Galit na sigaw ni Travis tapos ay tumalikod na at nag lakad, pero hindi pa man siya nakakalayo nang muli siyang tinawag ni tito.

  "Travis! Eto ba ang babaeng kinababaliwan mo? Eto ba ang sinasabi mong mahal mo at ayaw mong saktan? Look at this picture and video." May nilabas na mga picture si tito galing sa isang envelop. Nilapag niya ito sa ibabaw ng lamesa. Napatitig ako doon tapos unti-unting nanlaki ang mga mata, hindi makapaniwala sa nakikita. Parehas kaming nag-katinginan ni Trish.

  Bago bumalik ang tingin ko kay Travis na ngayon pabalik na ulit sa table namin. Pinagkukuha niya ang mga pictures na nasa table. kitang kita ko kung paano nag-iba ang reaksyon ng kanyang mukha. Nanginginig ang mga kamay habang isa-isang tinitignan ang mga litrato.

   Ang babaeng kinababaliwan niya at sinasabing mahal niya ay may kahalikan na ibang lalaki at hindi lang doon natatapos ang rebelasyon.

  Muli kaming napalingon kay tito nang may iplay ito sa kanyang laptop, Isang video. Wow, hindi naman ready si Tito? Kompleto rekado ang binigay niyang ebedensya.

   Hinarap niya ito kay Travis. Dahil curious kami ni Trish, sumilip din kami sa laptop ni tito. Nasa gilid ni Trish nakatayo ang kuya niya kaya madali para samin na silipin ito. Nasa isang mamahaling restaurant si Mikaela Mayell at ang lalaking kasama niya sa picture, hawak hawak ng lalaki ang isang kamay ni Mayell. Sobrang sweet ng mga ito. Hindi ko maalis ang tingin sa video.

  "God, I miss you love. Ang tagal kong hinintay na makita ka muli."

  "I miss you too love. Sorry ngayon lang ako nagkaroon ng oras para makatakas. Busy ako sa photoshoot at laging kong kasama si Travis."

  "Tsk! Kailan mo ba iiwan si Dela Cerna? Gusto ko na ipaglandakan sa lahat na ikaw ang girlfriend ko. Ang hirap ng sitwasyon natin, bibihira kita makasama, bibihira kita makausap, ang hirap ng set up natin."

  "Sshhh, don't worry love, humahanap lang ako ng tamang pagkakataon para makipaghiwalay. Ikaw ang pipiliin ko, ikaw ang mahal ko."

 "Thank you love, I love you too.. hihintayin ko na iwan mo si Dela Cerna at sumama ka na sa 'kin."

 "Konting tiis na lang love, magsasama na rin tayo okay? Sa ngayon, i-enjoy na muna natin ang pagkain na inorder mo, ok?"

  Dahan dahan akong tumingin kay Travis na ngayon ay sobrang dilim na ng awra. Ramdam mo ang galit na namumuo sa kanya. Kinuyom nito ang kamao kasama ang mga pictures ni Mayell at ng lalaki nito.

  "I'll talk to her." Sabay talikod nito. Wala ni-isa sa'min ang nag salita. Hinayaan ni Tito Troy na umalis ang kanyang anak.

*****

Chapter Two

    Lahat kami nakatingin pa rin sa papalayong si Travis. Kahit na nasaktan ako sa mga sinabi niya kanina, hindi ko pa rin maiwasan na hindi mag-alala para dito. Ako nga na minamahal siya ng patago nasaktan sa mga sinabi niya, paano pa kaya siya na niloko ng girlfriend niya? Mahal na mahal pa man din n'ya. Doble o triple ang sakit no`n.

Nabaling ang  aming atensyon nang magsalita si tita.

 "Honey, bakit mo naman ginawa 'yon? Hindi mo ba nakitang nasaktan ang anak mo?" 

 "Mas okay na malaman na niya ang katotohanan honey, na niloloko lang siya ng babaeng kinababaliwan niya. Tama lang talaga na ipakasal natin siya kay Eunice, sigurado tayong magiging maayos si Travis. Mabait, maganda, masipag at matalino ang mapapangasawa niya. Darating din ang araw na matututunan nilang mahalin ang isa't-isa lalo na kung mag-kakasama sila sa iisang bahay. Tama ba ako hija?"  

    Napaayos ako ng upo nang bumaling sa`kin si tito. God, totoo ba 'to? Ikakasal talaga kami ni Travis? Parang kanina lang pinapangarap ko na makasal sa taong matagal ko nang mahal. Kaso lahat 'yun naglaho na parang bula dahil sa rebelasyon ngayon.

   Hindi ko na alam. Masyadong magulo at nalilito pa ako. 

 "A-Ah tito kasi ano po—"

 "Kung si Travis ang iniisip mo hija, kami nang bahala." Napalingon naman ako kay Tita Kim nang hawakan nito ang kamay ko.

 "Hija, kung ikaw ba ang tatanungin, papayag kang makasal sa anak namin?"

   'Oo naman po' sagot ko sa aking isip. Kung hindi ko narinig ang mga sinabi ni Travis at ni tito baka ito agad ang isagot ko kay Tita Kim. Kaso nga narinig ko kaya ayoko na. Iba ang mahal ni Travis, hindi niya ako mahal at may kaunting hinanakit ako kila mommy at daddy dahil hindi man lang nila ako kinausap about dito. Wala akong kaalam alam sa nang-yayari. 

Tipid akong ngumiti kay Tita Kim, akma akong sasagot nang magsalita naman si tito.

 "Hija please? Alam namin na gulong gulo ka sa nangyayari pero sana tulungan mo kami. Ayoko mawala ang pinaghirapan namin ni Ariel lalo na ni Travis. Marami ang gustong umagaw sa pagiging CEO ni Travis, marami silang nakikitang butas para mapaalis siya sa pwesto niya. Kaya nag-usap kami ni Ariel na ituloy na ang pagpapakasal niyo. Gusto rin ng mommy mo na makasal ka kay Travis, mapapanatag daw ang loob nila kung sa kanya ka makakasal. Kaya sana hija pumayag ka, masaya kami at buong puso kang tatanggapin sa pamilya namin."

   Oh god, hindi ko na alam. Kailangan ko munang makapag-isip. bumaling ako ng tingin kay Trish, wari'y humihingi ng tulong. 

Agad naman niyang nakuha ang nais kong iparating.

 "Dad, mom, hayaan na muna siguro nating makapag-isip si bes kasi hindi biro 'yung mga revelation ngayon. Bukas naman nandito na sila tita, bukas natin malalaman ang sagot ni bes. Sa ngayon po iuuwi ko muna siya. okay lang po ba?" 

Thanks bes, buti nalang naintindihan mo ako. Kailangan ko munang makapag isip at lumanghap ng sariwang hangin. Feeling ko ang sikip sikip ng garden ni Tita, parang walang hangin kahit open space. Kailangan ko munang lumayo sa bahay na ito. 

     "Alright, tama si Trisha. Sige na hija, pasensya ka na sa mga nangyari." 

     "Okay lang po tito, uuwi na po muna ako."

  Tumango lang sila tita. Sabay naman kaming tumayo ni Trisha, Yumuko pa ako ng bahagya bilang paalam kela tita bago kami naglakad ni bes.

  Habang naglalakad, hindi ko maiwasang maisip ang mga nangyari at mga sinabi nila tito. 

    Papayag ba ako? 

   Pero kailangan nila ng tulong. Mabait si Tita Kim at Tito Troy, hindi nila ako pinakitaan ng masama. Mula noon tinuring na rin nila akong tunay nilang anak. Madami na rin silang nagawang mabuti sa` kin. At mahal ko naman si Travis. Siguro tama si tito, pag magkasama kami sa iisang bahay matututunan akong mahalin ni Travis. Pero paano si Mayell? Makakamove-on ba agad si Travis? 'E mahal na mahal niya `yung girlfriend n'ya. Baka nga magkaayos pa sila. 

  Hays ano ba Eunice? Magpapakasal ka ba o hindi? 

 "Hey, are you okay? Kanina pa kita tinatanong bes, ang lalim ng iniisp mo." Nabalik ako sa wisyo nang kalabitin ako ni Trish.

 "Ha? Ah sorry, iniisip ko lang kung magpapakasal ba ako sa kuya mo o hindi." 

 "Hay, alam kong nahihirapan ka bes pero kung ano 'yung mas nangingibabaw sa `yo na desisyon, ayun ang sundin mo. Kung magpapakasal ka kay kuya, susuportahan kita. Kung ayaw mo naman, susuportahan pa rin kita. Nandito lang ako bes okay?" Napangiti naman ako. Maaasahan ko talaga ang bestfriend ko.

   Magsasalita pa sana ako nang biglang tumunog ang phone ni Trish. Tumigil kami sa paglalakad at kinuha niya sa bulsa ng short ang phone. 

 Napatingin ito sa 'kin. 

 "It's Tita Erin." Sinagot niya agad ang tawag. Nakatingin lang naman ako sa kanya. 

 "Hello po, tita? Yes tita, she's with me, okay po. Wait tita," Bumaling siya sa akin at nilahad ang phone niya, "Gusto ka raw makausap ni tita, bes. Hindi mo raw kasi sinasagot ang tawag niya." Oo nga pala nasa kwarto ko ang phone ko. Dahan dahan ko na lang kinuha ang phone ni Trish.

 "Hello mom? Yes po, opo, nandito po. Alam ko na po. Opo sige po...." Pinapakinggan ko lang ang lahat ng sinabi ni mommy. Nang masabi na niya lahat ng gusto niya sabihin ay binaba ko na ang tawag. Isang malalim na buntong hininga ang aking pinakawalan bago binalik ang phone kay Trish. 

 "Bes, are you okay? Anong sinabi ni tita?" Nag-aalalang tanong niya sa akin. 

   Nag-angat naman ako ng tingin sa kanya at isang tipid na ngiti ang pumaskil sa aking labi. 

  “Nakapagdesisyon na ako Trish.....

  Magpapakasal ako kay Travis..." 

 ******

TRAVIS' pov.

   Kuyom ang aking kamao habang tinatahak ang daan papunta sa unit ni Mayell. Hindi maalis sa isip ko ang mga litrato na pinakita ni dad, lalo na ang video. 

  D*mn it Mayell! You need to explain everything! 

Nang makarating ako sa harap ng unit niya, nanginginig kong pinindot ang doorbell. Ilang sandali lang ay bumukas na ang pinto.

Tumambad sa 'kin ang babaeng mahal ko, gulat na gulat ang reaksyon niya ng makita ako.

 "H-Hon! W-What are you doing here?" Nauutal at hindi makapaniwalang tanong niya  sa `kin. Halatang hindi niya inaasahan na makikita niya ako ngayon dito. 

   Bumaba ang tingin ko sa suot niya. Mukhang may lakad siya dahil ayos na ayos siya. Pwes kung saan ka man pupunta, hindi na matutuloy Mikaela Mayell.

  "We need to talk Mayell." Seryosong sambit ko. Kitang kita ko ang pag-iiba niya ng reaskyon, kinakabahan. May tinatago ka nga talaga sa`kin. 

 "Ha? About what hon?" Hindi na ako sumagot. Basta nalang ako pumasok sa loob kahit walang paanyaya niya at naupo sa single sofa, sinenyasan ko siyang maupo din. Naupo naman siya sa kabilang sofa.

 "What are we going to talk about hon?"

Huminga ako ng malalim, kinalma ko ang sarili bago tumingin ng seryoso sa kanya. 

 "Do you love me Mikaela Mayell?" Nagulat naman siya sa tanong ko, pero kalaunan ay natawa ng mahina bago sinagot ang tanong ko.

 "What kind of question is that hon? Of course, I love you." D*mn Mayell! Hanggang kailan mo ako lolokohin? Hanggang kailan ka magpapanggap? 

  Akma akong magsasalita nang sabay kaming napatingin sa cellphone niya na nasa center table ng tumunog iyon. May tumatawag. Ang lalaki ba niya ang tumatawag? Huh! That assh*le. 

  Nagmamadali niyang kinuha ang phone at pinatay ang tawag. Kitang kita ko ang pagkabalisa niya at pagkataranta. 

 "Sino ang tumawag? Bakit hindi mo sinagot? Baka importante." Seryoso at nagtitimpi kong tanong. 

 "H-Ha ano.. si manager. Mamaya na lang tatawagan ko siya, nag-uusap pa tayo 'e."  Napangisi na lamang ako at nailing. Dati kahit nag-uusap kami kahit magkasama sasagutin niya agad ang tawag kapag manager niya. Pero ngayon? Halatang may tinatago nga siya, at isa pa, kitang kita ko ang pilit niyang ngiti. Kabisado ko kung peke ang ngiti niya o totoo. Ganoon ko siya kamahal at kilala. 

  Muli na namang tumunog ang cellphone niya. Natataranta niyang pinatay ito muli. Dahil naiinis na ako, nilahad ko ang kamay ko.

 "Give me your phone. Ako ang kakausap sa manager mo." Seryoso kong sabi. Para naman akong natulos sa aking kinauupuan, hindi ko alam kung anong irereact ko nang makita kong simple niyang in-off ang phone niya at nilagay sa likod niya.

   D*mn! You really made me look stupid, Mayell..

 "H-Hon, okay lang ako nang ba—"

"I said give me your godd*mn phone! Bakit ayaw mo ibigay!? May tinatago ka ba sa`kin!?" Hindi ko na napigilang sumigaw. Punong puno na ako! Takot ang naging reaksyon niya nang sumigaw ako. Simula nang naging kami, ngayon ko lang siya napagtaasan ng boses. Maingat ako pagdating sa kanya. 

 "W-What's wrong hon? Bakit nagkakaganyan ka? Ano ba ang nangyayari sa 'yo?" Umiwas ako ng tingin nang makita kong tumulo ang mga luha niya. Mahina ako kapag nakikita ko siyang ganito. Isa ito sa kahinaan ko. 

 Bumuntong hininga ako, Itatanong ko na ang kanina ko pang gusto itanong sa kanya.

 "Do you have another man?" Sa pagkakataong ito tumingin na ako ng deretso sa kanya. Lahat ng pagtitimpi ko kumawala na. 

  Napamaang siya dahil sa tanong ko. Kitang kita ko ang pagbabago ng kulay ng mukha niya. 

 "W-What are you t—"

 "Tinatanong kita Mikaela Mayell, sagutin mo ang tanong ko! Do you have another man!?"

 "Wala! Ano ba ang sinas—"

 "B*llsh*t! Stop the act Mikaela! I know the goddamn truth!" At doon napatigil siya, hindi makapaniwla na may alam ako.

 "Why Mayell? Why did you fool me? Am I not good enough!? Ano pa ba Mayell?! Saan ako nagkulang sa`yo?! D*mn it!" Napahilamos ako ng aking mukha dahil sa sobrang frustration.

 "I'm s-sorry tr—" Masama ko siyang tiningnan.

 "Who is your man!?" Galit kong tanong, "Sino ang lalaki mo Mayell!? Sino!?" 

 Imbes na sagutin niya ako ay umiwas lang ito ng tingin. D*mn! 

 "I'm asking you! Who is your fcking man!? What's his name!?" Muli kong tanong pero imbes na magsalita ay bigla siyang tumayo at hinawakan ang mga kamay ko habang umiiyak.

 "Calm down Travis, please let me explain fir—"

 "No need. Ang gawin mo, iwan mo siya Mayell, iwan mo ang lalaki mo and I will forgive you, I will forget everything, just leave him."  Stupido na kung stupido pero mahal ko talaga siya! Even though she cheated on me, I will accept her. 

Pero para akong binuhusan ng malamig na tubig nang binitiwan niya ang kamay ko at umiling iling. 

 "I'm so sorry Travis, I'm so sorry but I can't leave him. I love you but.. I love him more. Mas mahal ko siya dahil naiintindihan niya ako. Hindi niya ako sinasakal, ibang iba siya sa 'yo. Sorry Travis pero itigil na natin 'to. Sorry kung niloko kita, pero masaya ako na naging bahagi ka ng buhay ko. Sana maintindihan mo ako, thank you for everything. Goodbye Travis."  Matapos niya masabi ang mga katagang 'yon, umalis na siya sa harap ko at lumabas. Naiwan akong wasak na wasak. Mas pinili niya ang lalaki niya kaysa sa 'kin! T*ng ina ganon ganon na lang? Ayon na `yon?! 

 "B*llsh*t!" Bakit Mayell? Sobra kitang minahal! Pinaglalaban pa kita sa pamilya ko! Sobra na ba talaga ako!? Nakakasakal na ba talaga ako?” 

Bakit hindi mo sinabi sa `kin na nasasakal ka na? Sana sinabi mo sa akin ang lahat ng ayaw mo para nabago ko! Hindi 'yung ganitong naghanap ka ng iba at iniwan ako! 

Ganoon na lang kadali sayong iwan ako, lokohin ako. Sinayang mo ang apa't na taon, t*ngina! Wala na! Wala na ang babaeng minahal ko ng apa't na taon! Iniwan na ako! Iniwan ako para sa ibang lalaki! Fck!

****